Lec striná
Ara se trata indere de lec. Chi che ess pordërt messü gní architá tres le stop di lec, por tigní a mesüra y limité le numer de turisć che röia te Südtirol. Mo sciöche tan gonot ne esun nia a üna: an oress bëgn, mo spo impó nia. Chësta é la cossa cun l’inovaziun te Südtirol: an se la tëm y se dejidrëia che döt vais tres inant sciöche tres.
12.000 lec, che ê bele dan da n pez gnüs dac fora, mo che é cina aldedaincö nia ciamó gnis costruis, messess gní fac sö cina ai 22 de setëmber 2026, scenó tomi. L’assessur provinzial Luis Walcher, sostigní dal HGV, arata indere che an podess bëgn arlungé por cin’ agn. “Fatta la legge, trovato l’inganno”, dijun tla Talia. An n’ó nia sforzé la jënt da cosruí sëgn te n colp.
“La cossa é indere chësta: sce chisc lec n’é nia gnüs fac cina aldedaincö, spo ne jarái bonamënter nia tan debojëgn. Sce i orun por le turism de Südtirol plü cualité y manco massa, spo messunse te val’ momënt mëte man da invalgo, ince sce al fej me al momënt. Imposté confins é le pröm vare tler cuntra la massa. Cun le stop di lec á l’ex assessur Schuler tut n provedimënt da coraje y tler de chësc vers. Chësc ne desson sëgn nia bagné, mo le mëte en pratica cun costanza. Ara se trata de nosta cualité de vita y dla cualité dl turism de Südtirol instës.”, stlüj jö Elide Mussner, co-surastanta di Vërc.
